Çində Olimpiya məşəli estafeti başlayıb – VİDEO
Çinin paytaxtı Pekində 2022-ci il Qış Olimpiya Oyunlarının məşəl estafetinə start verilib.
Mərasim Çin paytaxtının şimalındakı Olimpiya Parkında yerli vaxtla saat 09:16-da (Bakı vaxtı ilə 05:16) başlayıb.
Ümumilikdə estafetdə 14-86 yaş arası 1,2 minə yaxın insan iştirak edəcək.
Məşəlçilər məktəblilərdən və tələbələrdən tutmuş, elm, mədəniyyət, təhsil və səhiyyə nümayəndələrinə qədər əhalinin müxtəlif təbəqələrini təmsil edəcəklər.https://player.baku.tv/embed/49795
Pekin Olimpiadası fevralın 4-dən 20-dək, Paralimpiya Oyunları isə martın 4-dən 13-dək keçiriləcək. Oyunlar eyni anda üç klasterdə – Pekin, Çjançzyakou və Yantsində baş tutacaq.
Ümumdünya Səhiyyə Təşkilatı Çin hakimiyyətinin yarış ərəfəsində atdığı mühum epidemioloji tədbirləri və digər addımları nəzərə alaraq, Qış Olimpiya Oyunlarının Pekində keçirilməsində ciddi risk görmədiyini açıqlayıb.
Mənbə: TASS
