Aİ Krımı heç vaxt Rusiyanın ərazisi kimi tanımayacaq – Kalasdan sərt reaksiya!
Avropa İttifaqı Krımın Rusiyaya məxsusluğunu tanımaq fikrində deyil.
Musavat.com xəbər verir ki, Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kalas ABŞ-ın sülh planı çərçivəsində Krımın Rusiya ərazisi kimi tanınması ilə bağlı yayılan xəbərlərə kəskin reaksiya verib.
O bəyan edib ki, Avropa İttifaqı Krımın işğalını heç vaxt qanuni saymayacaq və bu məsələdə mövqeyi dəyişməz qalacaq: “Krım Ukraynanındır və bu, beynəlxalq hüquqla təsdiqlənmiş faktdır.”
Bu açıqlama, ABŞ-ın yeni sülh planında Krımın Rusiyaya məxsusluğunun qəbul edilməsi kimi bir şərtin yer aldığı barədə yayılan məlumatlardan sonra səsləndirilib.
Kalasın bəyanatı Avropanın prinsipial mövqeyinin davam etdiyini göstərir.
