Ukraynada 19,2 milyon ton buğda yığılıb – 10 milyonu ixrac ediləcək
Bu il Ukraynada 19,2 milyon ton buğda yığılıb. Ölkənin aqrar siyasət və ərzaq nazirinin müavini Taras Vısotskinin verdiyi məlumata görə, orta məhsuldarlıq hər hektardan 40 sentner təşkil edib.
Musavat.com-un məlumatına görə nazir müavini deyib ki, Ukraynada yemlik və ərzaqlıq buğdaya olan illik tələbat 7,5-8 milyon ton təşkil edir: “Başqa sözlə desək, bizim yığdığımız məhsul illik tələbatımızdan 2 dəfədən də çoxdur. Bu isə o deməkdir ki, hər hansı qıtlıq olmayacaq”.
Qeyd edək ki, 2021-2022-ci il mövsümündə Ukrayna 18 milyon ton buğda ixrac edib. Bu il isə ölkənin ixrac potensialı 10 milyon ton civarında olacaq.
