QARABAĞ İQTİSADİYYATININ İNKİŞAFI: Aqrar sahədə yeni mərhələnin şahidi olacağıq
Azərbaycan əsrlər boyu erməni təcavüzünə məruz qalıb . Nəhayət, sonuncu dəfə ermənilərin xalqımıza qarşı apardığı separatçı siyasət nəticəsində, 1992-1993-cü illərdə 20 %-dən çox ərazimiz işğala məruz qalmışdır. Ermənistan təcavüzünün nəticələrindən biri kimi Azərbaycan əhalisinin demoqrafik strukturunda ciddi problemlər yaranmışdır. Belə ki, qaçqın və məcburi köçkün həyatı sürən soydaşlarımız arasında orta ömür müddəti azalmışdır. Sosial-psixoloji, ekoloji ziyanlar, soyqırım aktları və digər dəhşətlər Azərbaycan xalqının acı taleyi olmuşdur. İşğal nəticəsində Azərbaycan və onun iqtisadiyyatına maddi ziyan dəymişdir. Ermənistanın işğal etdiyi ərazilərdə yaşayış məntəqələri, kənd təsərrüfatı müəssisələri, səhiyyə obyektləri, meşələri və digər obyektlər təcavüzün qurbanı olmuşdur və dağıdılmışdır.
Azərbaycan Respublikası Silahlı Qüvvələrinin Ali Baş Komandanı İlham Əliyevin rəhbərliyi sayəsində 2020-ci ilin 27 sentyabr günündən düşmənin hərbi təxribatlarına qarşı əks-hücum əməliyyatlarını uğurla başa çatdıran Rəşadətli Azərbaycan ordusu möhtəşəm bir tarix yazdı. Apardığımız 44 günlük Vətən müharibəsində torpaqlarımız əsgər və zabitlərimizin canı, qanı bahasına azad olundu və qələbə qazandıq. Azərbaycan Ordusu dünyaya sübut etdi ki, döyüş meydanında zəfəri tanklarla, toplarla deyil, ağılla, zəkayla və bir də insan zehninin nailiyyəti ilə qazanmaq olar.
44 günlük vətən müharibəsində Şuşanın alınması isə xüsusi yer tutur. Prezident, Ali Baş Komandan İlham Əliyev xalqa müraciətində bildirdi ki, Şuşanın azad edilməsi dünya hərbi tarixində xüsusi yer tutur. Prezidentin sərəncamı ilə hər il noyabr ayının 8-i Azərbaycan Respublikasında Zəfər Günü kimi təntənəli şəkildə qeyd ediləcək.
İşğaldan azad edilmiş ərazilərdə quruculuq işlərinin aparılması iqtisadiyyatın əhəmiyyətli dərəcədə inkişafına səbəb olacaq. İşğaldan azad olunmuş torpaqlarımız öz münbitliyi və məhsuldarlığına görə Sovetlər dövründə bu torpaqlarda bol pambıq, taxıl, üzüm, tərəvəz və kənd təsərrüfatı məhsulları yetişdirilib. Kənd təsərrüfatı ilə yanaşı heyvandarlıqda inkişaf etdirilib. Vətən müharibəsi başa çatandan sonra Ali Baş Komandan, Prezident İlham Əliyev işğaldan azad edilmiş ərazilərimizə səfərlər etdi. Həmin ərazilərdə yenidənqurma işlərinin aparılması, lahiyələrin həyata keçirilməsi ilə bağlı tapşırıqlar verdi. Artıq işğaldan azad edilən torpaqlarımızda quruculuq işlərinə başlanıb. Bu ilk növbədə Azərbaycanın güclü və qüdrətli bir dövlət olduğunu sübut edir və bu ərazilərin bərpa olunması gücümüzü dahada artıracaq, iqtisadiyyatımızı daha da inkişaf etdirəcək və eyni zamanda çoxlu sayda yeni iş yerlərinin açılması vətəndaşlarımızın işlə təminatı məsələsini xeyli yaxşılaşdırmaqla yanaşı ölkə iqtisadiyyatının inkişafına mühüm töhfə vermiş olacaq. Böyük potensiala malik ərazilərin yenidən əkinə qaytarılması ölkədə aqrar sahənin inkişafına təkan verməklə yanaşı, xaricdən idxal olunan kənd təsərrüfatı məhsullarının qarşısını xeyli alacaqdır. Yaxın zamanlarda Ali baş komandan İlham Əliyevin rəhbərliyi ilə Qarabağımız nəinki Azərbaycanın dünyanın dilbər güşələrindən birinə çevriləcəkdir.
Mustafayev Mustafa
Bərdə Qaz İdarəsinin Mustafaağalı kənd üzrə nümayəndəsi
