YAP Ağstafa RT-nın sədri şəhid ailəsini ziyarət edib
Şəhid ailələri daim diqqət mərkəzindədir
Yeni Azərbaycan Partiyası (YAP) Ağstafa rayon təşkilatının sədri Etibar Hacıyev və təşkilatın əməkdaşları Yenigün kəndində Vətən müharibəsi şəhidi Quliyev Rusif Asim oğlunun ailəsini ziyarət ediblər.
Görüşdə Rusif Quliyevin şərəfli həyat və döyüş yolundan, Vətən müharibəsində göstərdiyi qəhrəmanlıqlardan danışılıb, şəhid ailəsinin qayğı və problemləri dinlənilib.
Məlumat üçün bildirək ki, şəhidimizin bir qız övladı Təranə Quliyeva bizlərə əmanət qalmışdır. Təranənin anası 2019-cu ildə vəfat edib, atası isə 2020-ci ildə Vətən müharibəsi zamanı şəhid olub. Hər iki valideynini itirən 3 yaşlı Təranə 2020-ci ilin dekabr ayından YAP Ağstafa rayon təşkilatı tərəfindən himayəyə götürülüb. Hər ay rayon təşkilatı tərəfindən şəhidin ailəsinə maddi yardım göstərilir.
Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
Qeyd edək ki, Prezidentin müvafiq sərəncamlarına əsasən şəhid Rusif Quliyev ölümündən sonra “Vətən uğrunda”, “Şuşanın azad olunmasına görə”, “Hərbi xidmətlərə görə” medalları və 3-cü dərəcəli “Rəşadət” ordeni ilə təltif edilib.
