Nəşi tapılan şəhidimiz dəfn olunub
Elvin Mustafayev Gəncənin Şəhidlər xiyabanında torpağa tapşırılıb
Füzuli istiqamətində gedən döyüşlərdə şəhid olmuş hərbi qulluqçumuz dəfn edilib. Media1.az xəbər verir ki, Elvin Fuad oğlu Mustafayevin nəşi doğulduğu Gəncənin Şəhidlər xiyabanında torpağa tapşırılıb.
Şəhidlə vida mərasimində icra hakimiyyətinin nümayəndələri, hüquq mühafizə orqanlarının əməkdaşları, hərbçilər və şəhər ictimaiyyəti iştirak edib.
Qeyd edək ki, Elvin Mustafayev 1997-ci ildə Gəncə şəhərində anadan olub. O, Vətən müharibəsi zamanı Füzuli, Zəngilan istiqamətlərində gedən döyüşlərdə itkin düşmüşdü. Şəhid olan hərbi qulluqçumuzun nəşi dünən tapılıb.
