Müəllimlərin işə qəbulunda yenilik
Hazırda müəllim işləyənlər işə qəbulu müsabiqəsində iştirak edə biləcəklər
Müəllimlərin işə qəbulu müsabiqəsi ilə bağlı yeniliklər açıqlanıb. Bu barədə AYNA-ya Təhsil Nazirliyindən bildirilib.
Qeyd olunub ki, hazırda müəllim vəzifəsində çalışan şəxslər yeni tədris ili üzrə müəllimlərin işə qəbulu müsabiqəsində iştirak edə biləcəklər.
Müsabiqənin test imtahanı mərhələsi regionlarda da təşkil ediləcək. Vakansiya seçimi zamanı imtahan nəticələrinin toqquşması hallarında ötənilki əmsallar cari ildə də tətbiq ediləcək. Namizədlərin imtahan nəticələri bir tədris ili ərzində qüvvədə qalacaq.
