Aqil Abbas: “Şəhid anası medalı təsis edilsin”
Media1.az Musavat.com-a istinadən xəbər verir ki, deputat Aqil Abbas Milli Məclisdəki müzakirələrdə Azərbaycanda şəhid anası medalının təsis edilməsi barədə təşəbbüsü səsləndirib. Deputat bildirib ki, əslində belə bir təkliflə xalq yazıçısı Çingiz Abdullayev çıxış edib. “Çingiz Abdullayev belə bir məsələ qaldırıb ki, niyə ölkəmizdə şəhid anası medalı təsis edilməsin? Çox maraqlı təklifdir. Bəlkə biz bu məsələyə baxaq, bizdə də “Şəhid anası” medalı təsis olunsun və onlara təqdim olunsun. Hər halda bu məsələyə baxmaq olar”.
Deputat Novruzəli Aslanov isə bildirib ki, Ç.Abdullayev şəhid analarına medal verilməsinə təkid etmirdi, sadəcə döş nişanının qəbul edilməsini təklif etmişdi. N.Aslanov bununla bağlı addımın atılmasının tərəfdarı kimi çıxış edib.
