Hansı ölkədə neçə saat oruc tuturlar? – “Əl-Cəzirə”
Ramazan ayıdır. Azərbaycanda müsəlmanlar sutkada 15 saat oruc tuturlar. Getdikcə gün uzanacaq və Ramazan ayının sonuna Azərbaycanda oruc vaxtı günün 16 saatından çox hissəsini əhatə edəcək. Bəs başqa ölkələrdə necədir?
Novator.az saytı Qətərin “Əl-Cəzirə” kanalına istinadla bildirir ki, günəşin çıxma və batma anlarına uyğun olaraq dünyanın bəzi yerlərində oruc vaxtı 10 saatdan, bəzi yerlərində 20 saatdan çox çəkir və Ramazan ayının sonuna bu müddət ölkənin Yer kürəsinin şimal, yoxsa cənub yarımkürəsində yerləşməsindən asılı olaraq təxminən 1 saat dəyişəcək, ya uzanacaq, ya da qısalacaq.
Məsələn, builki Ramazanda Yeni Zelandiya kimi cənub ölkəsində oruc müddəti 11-12 saat, İslandiya kimi şimal ölkəsində 19-20 saatdır.
Şimal yarımkürəsində ən uzun, cənub yarımkürəsində isə ən qısa oruc günləri Ramazan ayının sonlarında olacaq.
Aprelin 20-dən avqustun 22-dək günəşin batmadığı şimal şəhərlərində, məsələn, Norveçin Lonqyirbyuen şəhəri kimi yerlərdə ya ən yaxın müsəlman ölkəsinin, ya da Səudiyyə Ərəbistanının Məkkə şəhərinin Ramazan saatlarına uyğun oruc tutulacaq.
Builki Ramazanda müsəlmanların hansı ölkədə neçə saat oruc tutduğunu və tutmalı olacağını əks etdirən siyahını oxucuların diqqətinə çatdırırq. Oruc saatları ölkələrin paytaxtlarına, yaxud iri şəhərlərinə uyğun tərtib edilib.
Nuuk şəhəri, Qrenlandiya: 19-20 saat
Reykyavik şəhəri, İslandiya: 19-20 saat
Helsinki şəhəri, Finlandiya: 18-19 saat
Stokholm şəhəri, İsveç: 17-18 saat
Qlazqo şəhəri, Şotlandiya: 17-18 saat
Oslo şəhəri, Norveç: 17-18 saat
Kopenhagen şəhəri, Danimarka: 17-18 saat
Moskva şəhəri, Rusiya: 17-18 saat
Berlin şəhəri, Almaniya: 16-17 saat
Amsterdam şəhəri, Niderland: 16-17 saat
Varşava şəhəri, Polşa: 16-17 saat
London şəhəri, Böyük Britaniya: 16-17 saat
Paris şəhəri, Fransa: 16-17 saat
Nur-Sultan şəhəri, Qazaxıstan: 16-17 saat
Brüssel şəhəri, Belçika: 16-17 saat
Sürix şəhəri, İsveçrə: 16-17 saat
Buxarest şəhəri, Rumınya: 15-16 saat
Ottava şəhəri, Kanada: 15-16 saat
Sofiya şəhəri, Bolqarıstan: 15-16 saat
Roma şəhəri, İtaliya: 15-16 saat
Madrid şəhəri, İspaniya: 15-16 saat
Lissabon şəhəri, Portuqaliya: 15-16 saat
Afina şəhəri, Yunanıstan: 15-16 saat
Pekin şəhəri, Çin: 15-16 saat
Vaşinqton şəhəri, ABŞ: 15-16 saat
Pxenyan şəhəri, Şimali Koreya: 15-16 saat
Ankara şəhəri, Türkiyə: 15-16 saat
Rabat şəhəri, Mərakeş: 14-15 saat
Tokio şəhəri, Yaponiya: 14-15 saat
İslamabad şəhəri, Pakistan: 14-15 saat
Tehran şəhəri, İran: 14-15 saat
Bağdad şəhəri, İraq: 14-15 saat
Beyrut şəhəri, Livan: 14-15 saat
Dəməşq şəhəri, Suriya: 14-15 saat
Qahirə şəhəri, Misir: 14-15 saat
Yerusəlim şəhəri: 14-15 saat
Küveyt şəhəri, Küveyt: 14-15 saat
Qəzza şəhəri, Fələstin: 14-15 saat
Yeni Dehli şəhəri, Hindistan: 14-15 saat
Honkonq şəhəri: 14-15 saat
Dəkkə şəhəri, Banqladeş: 14-15 saat
Maskat şəhəri, Oman: 14-15 saat
Kabil şəhəri, Əfqanıstan: 14-15 saat
Ər-Riyad şəhəri, Səudiyyə Ərəbistanı – 14-15 saat
Doha şəhəri, Qətər: 14-15 saat
Dubay şəhəri, Birləşmiş Ərəb Əmirlikləri: 14-15 saat
Ədən şəhəri, Yəmən: 13-14 saat
Əddis-Əbəbə şəhəri, Efiopiya: 13-14 saat
Dakar şəhəri, Seneqal: 13-14 saat
Abuca şəhəri, Nigeriya: 13-14 saat
Kolombo şəhəri, Şri-Lanka: 13-14 saat
Banqkok şəhəri, Tailand: 13-14 saat
Xartum şəhəri, Sudan: 13-14 saat
Kuala Lumpur şəhəri, Malayziya: 13-14 saat
Sinqapur şəhəri: 13-14 saat
Nayrobi şəhəri, Keniya: 13-14 saat
Luanda şəhəri, Anqola: 12-13 saat
Cakarta şəhəri, İndoneziya: 12-13 saat
Braziliya şəhəri, Braziliya: 12-13 saat
Harare şəhəri, Zimbabve: 12-13 saat
Yohannesburq, həmçinin Keyptaun şəhərləri, Cənubi Afrika Respublikası: 11-12 saat
Buenos-Ayres şəhəri, Argentina: 11-12 saat
Syudad del Este şəhəri, Paraqvay: 11-12 saat
Montevideo şəhəri, Uruqvay: 11-12 saat
Kanberra şəhəri, Avstraliya: 11-12 saat
Puerto-Mont şəhəri, Çili: 11-12 saat
Kraystçerç şəhəri, Yeni Zelandiya: 11-12 saat.
