Bərdədə İdarə rəisi “Uğurunu paylaş” layihəsinin ilk qonağı olub
Gənclərin İnkişaf və Karyera Mərkəzinin Bərdə rayon nümayəndəliyinin həyata keçirdiyi “Uğurunu paylaş” layihəsinin ilk qonağı Bərdə Regional Mədəniyyət İdarəsinin rəisi Vəsilə Möhsümova olub.
Regionun fəal gənclərinin iştirakı ilə keçirilən görüşdə Vəsilə Möhsümova öz həyat və yaradıcılığından, qazandığı naliyyətlərdən, iş fəaliyyətindən danışaraq uğur qazanmaq üçün öz təcrübəsini gənclərlə bölüşüb. Eyni zamanda, regionun mədəni həyatında gənclərin rolundan, gənclərin asudə vaxtlarının səmərəli keçirilməsi məqsədilə regional idarənin gördüyü işlərdən, milli-mənəvi dəyərlərimizin təbliği istiqamətində gənclərin bu sahəyə olan marağının artılması istiqamətində həyat keçiriləcək layihələrdən danışıb.
Diskussiya şəklində davam edən görüşdə gənclər öz təəssüratlarını bölüşərək mədəniyyət sahəsi ilə bağlı sual və təkliflərini veriblər.
Media1.az
