21 Fevral 2024

Yevlaxda süpürgəçi qadınları avtomobil vurub, ölən var

Yevlaxda süpürgəçi işləyən iki qadını avtomobil vurub, onlardan biri ölüb.

“Report”un məlumatına görə, hadisə şəhərin Nizami Gəncəvi küçəsində qeydə alınıb.

Onlardan biri – 1974-cü il təvəllüdlü Əsgərova Səbinə Rafiq qızı hadisə yerində dünyasını dəyişib.

Digər qadın ağır bədən xəsarətləri alıb və xəstəxanaya yerləşdirilib.

Faktla bağlı araşdırma aparılır.