Türkiyədə sel nəticəsində ölənlərin sayı 17-yə çatıb
![](https://media1.az/wp-content/uploads/2023/03/577798c44bed9fd3de125d5f31ff05c6.jpg)
Türkiyənin Adıyaman və Şanlıurfa şəhərlərində baş verən sel nəticəsində ölənlərin sayı 17-yə çatıb.
“Report” xəbər verir ki, bunu ölkənin milli müdafiə naziri, ordu generalı Hulusi Akar Şanlıurfada jurnalistlərə açıqlamasında deyib.
O bildirib ki, 3 nəfər itkin düşüb.
Nazirin sözlərinə görə, Türkiyə Silahlı Qüvvələrinin selin fəsadlarının aradan qaldırılması istiqamətində mübarizəsi davam edir: “Pessimizmə ehtiyac yoxdur, yaralar sağalacaq”.
Qeyd edək ki, martın 14-də Adıyaman və Şanlıurfa şəhərlərində sel olub.