24 İyul 2024

“Taliban” iki İŞİD tərəfdarını edam edib

“Taliban” Əfqanıstanın Cəlalabad şəhərinin Nanqarhar əyalətinin inzibati mərkəzində İŞİD terror təşkilatına yaxınlığına görə iki nəfəri edam edib.

“Report” xəbər verir ki, bu barədə Əfqanıstanın “Pajhwok” agentliyi məlumat yayıb.

Ötən gün Nanqarharda yerli jurnalist də daxil olmaqla dörd nəfər öldürülüb. Cəlalabad sakinləri əmindirlər ki, silahlı hücuma görə İŞİD məsuliyyət daşıyır.

Nanqarhar İŞİD-in bir qolu olan Xorasanda İslam Dövləti ilə əlaqəli qoşunların cəmləşdiyi bölgə hesab olunur. Təkcə keçən həftə bu qruplaşmanın həyata keçirdikləri partlayışlar və silahlı hücumlar nəticəsində bölgədə azı on nəfər ölüb.