Rusiya Ordusu genişmiqyaslı hərbi təlimlərə başladı
Silahlı Qüvvələrinin bütün növləri və qolları yoxlanılacaq
Rusiya Ordusu döyüş hazırlığını yoxlamağa başlayıb. Media1.az “RİA Novosti”yə istinadən xəbər verir ki, bu barədə ölkənin müdafiə naziri Sergey Şoyqu bildirib.
Nazirin sözlərinə görə, qoşunlar taktiki, taktiki-xüsusi və ikitərəfli təlimlər üçün poliqonlara göndərilib: “Təlimin keyfiyyəti, hərbi eşelon və texnikanın hərəkətində təhlükəsizliyin təmin edilməsi tapşırığı verilib”.
Məlumata görə, təlimlər bütün hərbi dairələrin və Şimal Donanmasının ərazilərində, Uzaq Şimalda, Kuril adaları və Kamçatkada aparılır. Aprel ayında 101 təlim meydançasında və 520 təhsil müəssisəsində 812 ikitərəfli məşq daxil olmaqla, ümumilikdə 4048 müxtəlif miqyaslı təlim məşqləri keçiriləcək. Bu təlimlər zamanı Rusiya Silahlı Qüvvələrinin bütün növləri və qolları yoxlanılacaq.
