20 İyul 2024

Polşanın ABŞ-dan aldığı 20 “HIMARS”dan 5-i təhvil verilib

Polşanın ABŞ-dan aldığı 20 ədəd “HIMARS” raket artilleriya sistemindən ilk 5-i təhvil verilib.

APA xəbər verir ki, bu barədə Polşa Müdafiə Nazirliyi məlumat yayıb.

Qeyd olunub ki, sistemlərin Polşa Silahlı Qüvvələrinə təhvil verilməsi mərasimində ABŞ dövlət katibinin müavini Riçard Rahul Verma da iştirak edib.

Qeyd olunub ki, silah sistemlərinin yüksək effektivliyi artıq Ukraynadakı müharibədə təsdiq olunub.

Polşa ordusunun “HIMARS” sistemlərinin sınaq atışlarına bu ilin üçüncü rübündə başlamağı planlaşdırdığı qeyd olunub.