02 İyun 2023

Mingəçevirdə sürücülər yol üstə dalaşdılar –”Mersedes”in sahibi baltalandı

Mingəçevirdə sürücülər arasında yol verməyə görə dava olub, biri baltalanıb.

Hadisə Mingəçevir şəhəri, Heydər Əliyev prospekti “Köhnə Toxuculuq kombinatı” adlanan yerin qarşısında baş verib.

Belə ki, “Xəzər” markalı avtomobili idarə edən 1971-ci il təvəllüdlü Məmmədov Faiq Şikar oğlu yol vermək üstündə aralarında yaranmış mübahisə zamanı “Mercedes-Benz” markalı avtomobili idarə edən 1995-ci il təvəllüdlü Paşayev Elvin Camaləddin oğluna baş nahiyəsindən qəsdən balta ilə vurub “açıq kəllə beyin travması və kəllə qapağı sümüyünün açıq sınığı” xəsarətini yetirib.

Faktla bağlı Mingəçevir Şəhər Polis Şöbəsində cinayət işi başlanılıb (Report).