Ermənistan MSK seçkilərdə iştirak edəcək 23 partiya və 4 bloku qeydiyyata alıb
Ermənistanın Mərkəzi Seçki Komissiyası ölkədə keçiriləcək növbədənkənar parlament seçkilərində iştirak edəcək 23 partiya və 4 bloku qeydiyyata alıb.
Trend “TASS”a istinadən xəbər verir ki, bu barədə Ermənistan MSK-nın məlumatında deyilir.
Məlumatda bildirilir: “İyunun 20-də keçiriləcək növbədənkənar parlament seçkilərində iştirak etmək üçün partiyaların və blokların seçkiqabağı siyahılarının qeydiyyatı üçün sənəd qəbulu başa çatıb. 23 partiya və 4 blok qeydiyyata alınıb”.
