Regional idarənin rəisi Vəsilə xanım Möhsümova Mingəçevir şəhər Heydər Əliyev Mərkəzinin fəaliyyəti ilə yaxından tanış olub
Bərdə Regional Mədəniyyət İdarəsinin rəisi Vəsilə xanım Möhsümova 16 may tarixində Mingəçevir şəhər Heydər Əliyev Mərkəzinə baxış keçirib.
Mingəçevir şəhər Heydər Əliyev Mərkəzinə baş çəkən Vəsilə xanım Möhsümovaya mərkəzin yaranması və fəaliyyəti haqqında geniş məlumat verilib. Həmçinin regional idarənin rəisi Heydər Əliyev Mərkəzində dahi liderin keçdiyi şərəfli həyat yolunu, Azərbaycana rəhbərliyinin hər iki dövrünü əks etdirən fotoşəkillərlə, böyük şəxsiyyət haqqında yazılmış kitablarla, qəzet, jurnal və rəsmi sənədlərlə tanış olub. Mərkəzdə fəaliyyət göstərən A. Şaiq adına 8 nömrəli kitabxana filalının, Xalq musiqisi klubunun, rəsm dərnəyinin, rəqs və komputer kurslarının fəaliyyəti ilə yaxından tanış olmuş, müvafiq tapşırıqlarını verib. Eyni zamanda mərkəzdə fəaliyyət göstərən Gənclərin İnkişaf və Karyera Mərkəzinin əməkdaşları ilə görüşüb. Görüş əsnasında onların fəaliyyəti ilə yaxından tanış olub.
