22 Noyabr 2024

Regional idarənin rəisi Vəsilə Möhsümova Mingəçevir şəhərinə səfəri çərçivəsində Mingəçevir şəhər Dövlət Rəmzləri muzeyində olub.

Media1.az xəbər verir ki, Bərdə Regional Mədəniyyət İdarəsinin rəisi Vəsilə xanım Möhsümova Mingəçevir şəhərinə səfəri zamanı Mingəçevir şəhər Dövlət Rəmzləri muzeyində olub.

İdarə rəisi Vəsilə xanım Möhsümova muzeyin fəaliyyəti ilə yaxından olmuş, orada sərgilənən ayrı-ayrı dövrlərə uyğun Azərbaycan xəritələri, Orta Əsrlərə aid döyüşçülərini əks etdirən müqəvvaları , Orta Əsr Azərbaycan dövlətlərinin və xanlıqlarının bayraqları, XIX əsr Azərbaycan şəhərlərinin gerbləri, qədim metal sikkələr, kağız pullar ilə yaxından tanış olub.

Onu da qeyd edək ki, muzeyin eksponatları arasında Azərbaycan Orta Əsr əsgərlərinin döyüş geyimləri, XIX əsr Azərbaycan şəhərlərinin gerbləri, Azərbaycan SSR-nin gerbləri və bayraqları, Silahlı Qüvvələrin mərasim geyim formaları və döyüş bayraqları, ümummilli lider Heydər Əliyevin və dövlətimizin başçısı İlham Əliyevin andiçmə mərasiminə aid fotoşəkillər, dövlət rəmzləri haqqında kəlamlar, poçt markaları, orden, medal, fəxri ad və döş nişanları nümayiş olunur.