25 İyun 2024

Güclü sel daşqını əllidən çox insanın həyatına son qoydu

Əfqanıstanın mərkəzi hissəsində leysan yağışları və daşqınlar nəticəsində 50 nəfərdən çox insan həlak olub.

Mərkəzi Ghor əyalətinin informasiya şöbəsinin rəhbəri Mövlavi Əbdül Hai Zaeem Reuters agentliyinə bildirib ki, cümə günü başlayan və bölgəyə gedən bir çox əsas yolları kəsən yağış zamanı xeyli insanın xəsarət aldığı barədə məlumatlar araşdırılır. Həmçinin, ötən həftə güclü yağışların səbəb olduğu daşqınlar Əfqanıstanın şimalında da kəndləri viran edib, 315 nəfər ölüb, 1600-dən çox insan yaralanıb.

Zaeem əlavə edib ki, əyalətin paytaxtı Feroz-Kohda 2000 ev tamamilə dağılıb, 4000-i qismən zədələnib, 2000-dən çox mağaza və ticarət obyektləri su altında qalıb. Ölkənin müdafiə nazirliyi bildirib ki, çərşənbə günü Əfqanıstanın Hərbi Hava Qüvvələrinin istifadə etdiyi helikopter “texniki problemlər” səbəbindən Qor əyalətində çaya düşən insanların cəsədlərini çıxarmaq cəhdləri zamanı qəzaya uğrayıb, nəticədə bir nəfər ölüb, 12 nəfər yaralanıb.

Media1.az