“Səyyahlar” İctimai Birliyi növbəti ekoloji seminar keçirib
“Səyyahlar” Təbii Sərvətlərin və Ətraf Mühitin Araşdırılması və Tanıdılması ictimai birliyi 1 fevral 2022-ci il tarixindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyə dəstəyi ilə “Sağlam ətraf mühitdə yaşamaq vərdişlərinin regionda yaşayan insanlara aşılanması, qorunması, onların bu yöndə bilik və bacarıqlarının artırılması, təşəbbüslərin dəstəklənməsi” layihəsinin icrasına başlamışdır.
Layihənin məqsədi orta məktəb şagirdlərində ekoloji biliklərin möhkəmləndirilməsi, onların təbiətə qarşı həsas yanaşmaları, ekologiyanı qorumağın bir vətəndaşlıq borcu olduğunu, bizim və bizdən sonra gələcək nəslin sağlam gələcəyinin məhz ekologiyadan aslı olduğunu göstərmək və ekologiyanın qorumağın vacibliyini dərk etmələrində onlara dəstək olmaq, ekoloji maarifləndirmə işi aparmaqdan ibarətdir. Uşaqlarda ekologiyaya qarşı müsbət fikirlərin formaşalmasında onlara düzgün istiqamət verərək gələcək həyatlarında ekologiyanı sevmək və qorumağın vacibliyini aşılamaq.
Layihə 3 davam edəcək (01.02.2022-01.05.2022). Layihə çərçivəsində beş məktəb müəyyən ediləcək (Bakı şəhərində 3 məktəb, İsmayıllı şəhərində 2 məktəb) və bu məktəblərdə şagirdlərə seminar veriləcəkdir.
Layihə çərçivəsində Bakı şəhəri üzrə keçirilməsi planlaşdırılan 3 seminardan sonuncusu .04.2022-ci il tarixində Yasamal Rayonu Eldar Məmmədov adına 21 nömrəli tam orta məktəbində keçirilmişdir. Seminarda Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin layihələr üzrə meneceri Fuad Rzazadə, “Səyyahlar” Təbii Sərvətlərin və Ətraf Mühitin Araşdırılması və Tanıdılması ictimai birliyinin sədri Elsevər Cəlilov, ekspert və könüllü nümayəndələr Yasamal Rayonu Eldar Məmmədov adına 21 nömrəli tam orta məktəbinin direktoru Elza Bağırzadə, məktəbin müəllim kollektivi, ADPU-nun təcrübəçi tələbə və metodist rəhbəri iştirak etmişdir. Seminarı giriş sözü ilə açan QHT sədri Elsevər Cəlilov qonaqları salamlamış və bu seminarın aktual və vacibliyindən bəhs etmişdir. Daha sonra isə məktəb direktoru Elza Bağırzadə çıxış edərək şagirdlərə ekologiyanı qorumağın vacibliyinndən bəhs edərək, yazılmış olan “Təbiətimizi qoruyaq” adlı kitabçadan şagirdlərə bəhs edərək, sonda layihə nümayəndələrinə öz təşəkkürünü bildirmişdir. Daha sonra seminarı layihə eksperti Nuray Əhmədova hazırlanmış olan, təqdimatla uşaqlara ekologiyanı və onu mühafizə etməyin yollarını izah etmişdir. O çıxışında ekologiya nədir, təbiət nədir, cəmiyyət nədir, təbiətlə cəmiyyət arasındakı münasibətlər necə qurulmaldır kimi mövzuları geniş şəkildə izah etmişdir. Seminar arası uşaqların vermiş olduğu çoxsaylı suallar cavablandırılmış və sualların cavabı yerindəcə verilmişdir. Seminarı davam etdirən QHT sədri Elsevər Cəlilov bu kimi fəaliyyətlərin həqiqiətən də lazımlı və aktual olduğunu qeyd etmişdir. Bakı şəhəri üzrə sonuncu seminar olduğu üçün seminarda könüllü olaraq təlim verən layihə eksperti Nuray Əhmədovaya və layihədə könüllü iştirak edən Aytəkin Bayramlıya sertifikat təqdim olundu. Tədbirin ikinci hissəsində məktəb həyətində şagirdlərlə bərabər ağac tingləri əkilib və ağaclara su verilib. Ağacəkmə aksiyasında QHT üzv və könüllüləriylə yanaşı, məktəbin direktoru, müəllim kollektivi iştirak etmiş və kollektiv bu kimi tədbirlərin uşaqlar üçün stimulverici olduğunu vurğulamışdırlar.
Seminar 30 nəfər ibtidai sinif şagirdinin iştirakı ilə keçirilmişdir. Layihə çərçivəsində yazılmış olan kitabça (30 ədəd) şagirdlərə paylanmışdır. Sonda bu kimi tədbirlərin gələcəkdə də keçirilməsinin vacibliyi diqqətə çatdırılmış və xatirə şəkli çəkilmişdir.
“Səyyahlar” Təbii Sərvətlərin və
Ətraf Mühitin Araşdırılması və
Tanıdılması ictimai birliyinin sədri: Elsevər Cəlilov
