Qarabağda 44 gündə yaşananlar barədə Fulya Öztürk film hazırladı
Türkiyənin ən məşhur televizilarından biri olan “CNN Türk”ün tanınmış aparıcısı, Azərbaycanda çox sevilən Fulya Öztürk ölkəmizin 44 günlük Vətən müharibəsi ilə bağlı film hazırlayıb.
Ekran əsərində Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin 44 gün davam edən Vətən müharibəsi dövründə dünyaya ünvanladığı mesajlar yer alıb.
Həmçinin filmdə Ermənistanın cəbhə xəttindən kənarda yerləşən Azərbaycan şəhərlərinin raket zərbələri ilə bombalaması ilə törətdiyi terror aktlarından və günahsız insanların qətlə yetirilməsindən söz açılıb.
Media1.az Musavat.com-da yayımlanmış həmin filmi azərbaycanlı oxucularına təqdim edir.
