“Qırmızı Kitab”a düşən ağacları kəsən şəxsə cinayət işi açıldı – FOTO
Lənkəran Şəhər Rayon Polis Şöbəsinin əməkdaşları tərəfindən “Qırmızı Kitab”a düşmüş ağacların kəsilməsi faktı aşkarlanıb.
Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, şəhərin mərkəzi hissəsindəki İ.Səmədzadə küçəsində yol kənarında yaş vəziyyətdə kökü üstündə olan üç ədəd dəmirağacın qanunsuz olaraq kəsildiyi aşkar edilib.
Aparılan araşdırmalarla həmin ağacların şəhər sakini E.Qədirov tərəfindən kəsildiyi müəyyən edilib. Həmin şəxs barəsində Lənkəran Şəhər Rayon Polis Şöbəsində Cinayət Məcəlləsinin 259-cu (qanunsuz ağac kəsmə) maddəsi ilə cinayət işi başlanılıb.
Faktla bağlı araşdırma aparılır.
