Paşinyanın bloku 71 deputat mandatı alacaq
Köçəryanın bloku isə parlamentdə 29 deputatla təmsil olunacaq
Ermənistanın Baş naziri səlahiyyətlərini icra edən Nikol Paşinyanın “Mülki Müqavilə” bloku yeni parlamentdə 71 deputatla təmsil olunacaq. AYNA erməni mediasına istinadən bildirir ki, Paşinyanın blokuna 688 min 761 seçici səs verib.
Ermənistan Mərkəzi Seçki Komissiyasının sədri Tiqran Mukuçyan bildiribki, keçmiş Prezident Robert Köçəryanın “Ermənistan” bloku parlamentdə 29 mandata malik olacaq.
Qeyd edək ki, bu gün MSK iyunun 20-də keçirilən növbədənkənar parlament seçkilərinin yekun nəticələrini açıqlayıb. Nəticələrə görə “Mülki Müqavilə” bloku 53,91 faiz səslə seçkilərin qalibi olub. “Ermənistan” bloku isə 21,9 faiz səs toplayaraq ikinci yeri tutub.
