Hərbçilərimiz şərti diversantları zərərsizləşdirdi – FOTO

Döyüş hazırlığı planına əsasən, hərbi hissədə taktiki təlim keçirilib.

Bu barədə Müdafiə Nazirliyi məlumat yayıb.

Təlimin ssenarisinə uyğun olaraq bölmələr ərazidə müxtəlif üsullarla taktiki yerdəyişmə, mühafizə və axtarış əməliyyatları, şərti düşmənin diversiya-kəşfiyyat qrupunun aşkar edilərək zərərsizləşdirilməsi və digər tapşırıqları uğurla yerinə yetiriblər.

Taktiki təlimlərin keçirilməsində əsas məqsəd bölmələrin döyüş hazırlığının yüksək səviyyədə saxlanılması və hərbi qulluqçuların praktiki vərdişlərinin təkmilləşdirilməsidir.