“Ekoloji İnformasiya” İB Qarabağ İqtisadi Rayonunda ekoturizmlə bağlı rəy sorğusu keçirib
Bölgə sakinləri hesab edir ki, Qarabağ atları ilə əylənmək turistlərdə daha çox maraq yarada bilər.
“Ekoloji İnformasiya” İB-nin sədri Musa Muradlının Media1.az-a verdiyi məlumata görə , Qarabağ İqtisadi Rayonunda ekoturizm imkanlarının qiymətləndirilməsi məqsədilə Ekoloji İnformasiya İctimai Birliyi Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilən layihə çərçivəsində rəy sorğusu keçirib.
Sorğuda turizm sahəsində fəaliyyət göstərən sahibkarlar, Bərdə Turizm İnformasiya Mərkəzinin, İcra Hakimiyyəti, bələdiyyə təşkilatları və təhsil müəssisələrinin təmsilçiləri iştirak ediblər.
Respondentlər əsasən bölgəyə gələn turistləri maraqlandıran ekoturizm növü, turistlərin yaşı, ekoturun müddəti, bir nəfər üçün xərcin məbləği barədə suallara cavab veriblər.
Rəyi soruşulan bölgə sakinlərinin çoxunun fikrinə görə , gələn qonaqlar daha çox şəxsi maşınlarından istifadə edirlər.
Sizin yaşadığınız ərazidə hansı ekoturizm fəaliyyət növləri turistlər üçün maraqlı ola bilər- sualına daha çox verilən cavab- Unikal təbii yerləri və obyektləri ziyarət etmək olub.
Unikal Qarabağ atlarının turistlər üçün sərgilənməsi də turistlər üçün maraqlı görünə bilər.Sorğu zamanı fikrini bildirən bölgə sakinlərinin əksəriyyətinin qənaəti belə olub.
Anket müsahibə zamanı qaz, işıq, su kimi kommunal məsələlərin qənaətbəxş olduğu, ancaq internet sürətinin zəif olduğu bildirilib.
Ekoturizmin inkişaf etdirilməsi üçün perespektiv planlara münasibət bildirən bölgə sakinləri infrastruktur layihələrinin təkmilləşdirilməsi, kənd və qəsəbə yollarının badlaşdırılmasının vacibliyini vurğulayıblar.
Media1.az
