Brüsseldə antikovid nümayişi iğtişaşlarla nəticələnib – YENİLƏNİB + VİDEO

Bazar günü Brüsseldə təşkil oluanan “Avropanın azadlıq nümayişi” təhlükəsizlik qüvvələrilə toqquşmalara səbəb olub.

Görüntülər sosial şəbəkələrdə yayılıb. Asayişi qoruyan polis əməkdaşları nümayişçilərə qarşı su şırnaqları və gözyaşardıcı qazdan istifadə ediblər.

Koronavirus pandemiyası ilə bağlı məhdudiyyətlər əleyhiə keçirilən aksiyada Belçika, Fransa, Almaniya, Lüksemburq, Niderland, İspaniya, İtaliya sakinləri olmaqla 10 minlərlə insanın iştirak etdiyi bildirlib.https://player.baku.tv/embed/49452

16:27

Bazar günü Brüsseldə koronavirus pandemiyası ilə bağlı məhdudiyyətlərə qarşı “Avropanın azadlıq nümayişi” başlayıb.

Asayişi qoruyan polis əməkdaşlarının bildirdiyinə görə, Belçika paytaxtının Şimal vağzalında bir neçə on minlərlə insan toplaşıb. İnsanlar əllərində “Demokratiya azadlıqdır”, “QR kodlara yox!”, “Koronavirusa yox!” şüarları yazılmış plakatlar tutub.

Aksiya həm sağ, həm də sol baxışlı fəalların daxil olduğu “EuropeansUnited” (“Birləşmiş avropalılar”) qeyri-hökumət təşkilatı tərəfindən təşkil olunub. Nümayişdə Belçika, Fransa, Almaniya, Lüksemburq, Hollandiya, İspaniya, İtaliya sakinləri, eləcə də Brüsseldə yaşayan bir çox Aİ dövlətlərinin vətəndaşları iştirak edirlər.

Qeyd edək ki, aksiyaya şəhər rəhbərliyi icazə verib. Nümayişçilər Şimal vağzalından Brüssel bulvarları boyunca Avropa Məhəlləsinə doğru yürüş edir. Kolonun bütün marşrutu boyunca polis kordonu qurulub. Avropa Məhəlləsində isə ən azı iki su şırnaqları yerləşdirilib.https://player.baku.tv/embed/49447

Mənbə: TASS