Bərdədə “Xəmsə” Milli İntellektual Oyunu üzrə rayon çempionatının qalibləri müəyyənləşib
Bərdə şəhər Akademik Z.Əliyeva adına texniki fənlər təmayüllü məktəb-liseydə “Xəmsə” Milli İntellektual Oyunu üzrə yuxarı sinif şagirdləri arasında rayon çempionatı keçirilib.
AZƏRTAC-ın bölgə müxbiri xəbər verir ki, Bərdə Rayon Gənclər və İdman İdarəsinin təhsil şöbəsi ilə birgə təşkil etdiyi yarışda ümumtəhsil məktəblərinin komandaları iştirak edib. “Xəmsə” Milli İntellektual Oyununun əsasnaməsinə uyğun keçirilən yarışmanın yekun nəticələrə əsasən, 8 nömrəli tam orta məktəbin komandası birinci, 3 nömrəli tam orta məktəbin komandası ikinci, Akademik Z.Əliyeva adına texniki fənlər təmayüllü məktəb-liseyin komandası üçüncü yerə layiq görülüb. Qalib komandalara müvafiq dərəcəli diplomlar, kubok və medallar təqdim edilib.
Media1.az
