Baş nazir: “Gürcüstan-Azərbaycan münasibətlərinin yüksək səviyyəsi gələcəkdəki uğurların əsasıdır”
“Son dövrlərdə iki ölkə arasındakı tərəfdaşlıq münasibətlərinin yüksək səviyyəsi gələcəkdəki uğurların əsasıdır”.
Bunu Gürcüstanın Baş naziri İrakli Qaribaşvili AzTV-nin Prezident, Müzəffər Ali Baş Komandan İlham Əliyevin 60 illik yubileyi ilə əlaqədar hazırladığı “Prezident. Təkrarsız diplomatiya” adlı sənədli filmdə bildirib.
“Gürcü xalqı üçün çox dəyərli olan ölkələrimiz arasındakı bu dostluq iki dövlət üçün yaxşı qonşuluq və tərəfdaş əlaqələri deməkdir. Əminəm ki, bu strateji tərəfdaşlıq daim regionda sülhün inkişafının əsası olacaq. Ümid edirəm ki, dövlətlərimiz arasında unikal olan iqtisadi, enerji, nəqliyyat və hərbi tərəfdaşlıq daha da intensivləşəcək. Xüsusilə son dövrlərdə aramızdakı tərəfdaşlıq münasibətlərimizin yüksək səviyyəsi gələcəkdəki uğurların əsasıdır”, – o deyib.
