Azərbaycanlı uşaq yazıçısı Solmaz Amanovanın “Cəsur ayı və dostları” kitabı dəyərli əsər kimi 4-cü yerə layiq görülüb.
Beynəlxalq Uşaq Kitabı Şurasının (İBBY) Fəxri siyahısına uşaq yazarı Solmaz Amanovanın “Cəsur ayı və dostları” kitabı təqdim edilmişdir
F.Köçərli adına Respublika Uşaq kitabxanası 2012-ci ildən nüfüzlu bir təşkilatın – Beynəlxalq Uşaq Kitabı Şurasının (İBBY) rəsmi üzvüdür və həmin təşkilatla əməkdaşlıq edir. (İBBY) Hans Xristian Andersen mükafatı – Uşaq ədəbiyyatı sahəsindəki ən nüfuzlu mükafat olaraq hər iki ildə bir dəfə müəllifə verilməklə uşaq ədəbiyyatına əhəmiyyətli bir töhfə verir. Beynəlxalq Uşaq Kitabı Şurası (IBBY) Isveçrədə, Sürix şəhərində 1953-cü ildə yaradılıb. Hazırda İBBY-nin dünya üzrə 80 Milli Bölməsi fəaliyyət göstərir.
Hans Xristian Andersen mükafatı, dünyanın ən prestijli ədəbi mükafatlarından sayılır, hətta “Kiçik Nobel mükafatı” da adlanır. Onu da qeyd edək ki, bu mükafat yalnız həyatda olan laureatlara verilir. Bu mükafat uşaq və gənclər üçün yazılmış əsərlərə verilən və ədəbiyyat sahəsində nailiyyətlər üçün ən böyük mükafatdır. Uşaq kitablarının inkişafına müstəsna töhfə üçün, həm də oxunuşu təşviq etmək üçün təkcə yazıçılar deyil həmçinin rəssam və tərcüməçilər də təltif olunur.
Təşkilatın əsas məqsədi:
Uşaq kitabları vasitəsilə beynəlxalq anlaşmanı təşviq etmək;
Dünyada uşaqlara yüksək ədəbi və sənət standartları olan kitablara giriş imkanı vermək;
Xüsusilə, inkişaf etməkdə olan ölkələrdə yüksək keyfiyyətli uşaq kitablarının dərc olunması və paylanmasını təşviq etmək;
Uşaq və uşaq ədəbiyyatı ilə məşğul olanlara dəstək vermək;
Uşaq ədəbiyyatı sahəsində elmi tədqiqat və elmi əsərlərin stimullaşdırılması,
Uşağın hüquqlarını Uşağın Hüquqları Konvensiyasına uyğun qorumaq və müdafiə etmək;
Respublika Uşaq Kitabxanasının Beynəlxalq Uşaq Kitabı Şurasına (İBBY) üzv olmaqda məqsədi Azərbaycan uşaq yazarları, rəssam və tərcüməçilərin əsərlərini digər ölkələrdə tanıtmaqdır.
2021-ci ildə Respublika Uşaq Kitabxanası tərəfindən Beynəlxalq Uşaq Kitabı Şurasının Fəxri siyahısına (Honor List) uşaq yazarı Solmaz Amanovanın “Cəsur ayı və dostları” kitabı və kitabın rəssam, tərcüməçisi təqdim edilmişdir. (İBBY) nin Milli Bölmələri tərəfindən təqdim olunan 163 müəllif, illüstrator və tərcüməçilər arasında uşaq yazarı Solmaz Amanovanın “Cəsur ayı və dostları” kitabı mövzu baxımından, yəni koronavirusa qarşı mübarizədə, həmçinin uşaqlarda məntiq və düşünmə bacarıqlarının inkişaf etdirilməsində yazılmış dəyərli əsər kimi dördüncü yerə layiq görülmüşdür.
Media1.az
