Gənclər “PR Academy” layihəsi çərçivəsində “ARAN TV Onlayn Televiziya və Radio Yayımları ”na ekskursiya ediblər+FOTOLAR
Yanvarın 24-də Karyera və İnkişaf Mərkəzinin bir qrup əməkdaşı və könüllüsü “Aran” internet televiziyasının qonağı olub. Ekskursiya zamanı qonaqları “ARAN ” internet televiziyasının təsiscisi Vüsal Bayramov salamlayaraq redaksiyanın fəaliyyəti barədə əhatəli məlumat verib.
Daha sonra “ARAN ” internet televiziyasının “Region saatı” verlişinin aparıcısı Musa Muradlı qonaqlar qarşısında çıxış edərək Azərbaycan Milli Mətbuatının keçdiyi çətin və şərəfli yoldan danışıb. Milli mətbuatın tarixi barədə söylənilən məruzədən sonra ekskursiya iştirakçıları redaksiyanın əyani olaraq iş prinsipi ilə tanış olublar.
Operatorlar Rauf Məmmədov və Mirələm Əhmədov qonaqların iştirakı ilə studiyada çəkiliş həyata keçiriblər. Qonaqlar aparıcı və verilişin qonağı statusunda çəkiliş iştirakçısı olublar.
“ARAN ” internet televiziyasının təsiscisi Vüsal Bayramov çəkilişin ardınca montaj işinin aparılması ilə qonaqları tanış edib.
Sayta xəbər vermə işinin həyata keçirilməsi ilə bağlı qonaqları moderator Nilufər Əliyeva məlumatlandırıb.
“ARAN ” internet televiziyasının “Nişanəgah” verilişinin aparıcısı Nişanə Ərəbova isə gəncləri müəllifi olduğu proqram barədə bilgiləndirib.
Ekskursiyaçı gənclərin televiziyada gedən proseslərdən dolayı sualları cavablandırılıb.
Onu da qeyd edək ki, layihə Education Hub-ın dəstəyi və Gənclərin İnkişaf və Karyera Mərkəzinin Bərdə nümayəndəliyinin təşkilatçılığı ilə həyata keçirilir.
Media1.az- Musa Muradlı
