Bərdə Peşə liseyində tələbə təqaüdlərinin ödənişi gecikir- səbəbi bəlli oldu.
Tədris ilinin başlanmasından 4 ay keçməsinə baxmayaraq indiyə qədər tələbələrə aylıq təqaüd ödənməyib.
Arantv.az bu barədə olan məlumatı Bərdə Peşə Liseyinin tələbələrinə istinadən əldə edib.
Peşə liseyinin tələbələri bildirib ki, onlara noyabr ayından təqaüd kartları verilsə də hesablarına aylıq ödəmələrin köçürülməsi təmin edilməyib.
Onu da qeyd edək ki, təqaüdlərin ödənilməsində yaranan gecikmə Bərdə Peşə Liseyində təhsil alan tələbələrin ciddi etirazına səbəb olub.
Bərdə Peşə Liseyinin direktor müavini Samir Nəcəfov Arantv.az-a bildirib ki, təqaüdlərin ödənilməsində yaranan gecikmə təhsil alan tələbələrin bir çoxunun dərslərdə iştirak etmədiyindən liseydən kənarlaşdırılması və tələbə kontingentinin sayındakı dəqiqləşdirmənin aparılması ilə bağlıdır.
Direktor müavini yaxın 2-3 gün ərzində təqaüdlərin ödəniləcəyini deyib.
Media1.az
