Mingəçevir QHT-lərin Resurs və Təlim Mərkəzi ictimai iştirakçılıqla bağlı onlayn müzakirə keçirib
Milli Qeyri-Hökumət Təşkilatları Forumunun Mingəçevir Regional QHT-lərin Resurs və Təlim Mərkəzi regionlarda “İctimai İştirakçılıq haqqında” Azərbaycan Respublikası Qanununun icrasının monitorinqi və təşviq edilməsi məqsədilə ictimai vəkillik kompaniyasının aparılması” adlı layıhə həyata keçirir.
Media1.az xəbər verir ki,iyunun 19-da Mingəçevir Regional Qeyri-Hökumət Təşkilatlarının Resurs və Təlim Mərkəzinin idarəçiliyi ilə onlayn konfrans keçirilib. Onlayn konfransda fokus qruplar şəklində olmaqla Mingəçevir şəhəri, Yevlax və Bərdə rayonlarından (hər rayondan 3 nəfər olmaqla cəmi 9 nəfər) aktiv vətəndaşlar təmsil olunublar.
Konfransın gedişində ictimai iştirakçılıqla bağlı qrupların vətəndaşlar arasında apardığı sorğuların nəticələri müzakirə olunub.
Ekspert Musa Muradlı informasiya, informasiyanın ötürülməsi, əldə olunması haqqında ətraflı məlumat verib.
Onlayn konfransın moderatoru Aytən xanım Əhmədova qrup üzvlərinə İctimai vəkillik (advokasi), “İctimai İştirakçılıq Haqqında” Azərbaycan Respublikasının Qanunu, İctimai Şuralar və onların fəaliyyəti barədə ətraflı informasiya verib.
Qeyd olunubdu ki, fokus qruplardakı iştirakçılar növbəti mərhələdə “İctimai Vəkillik fəaliyyətləri”-ini yerinə yetirəcəklər.
