Müharibə başlayandan ruslar Ukraynanın 30 merini oğurlayıb
Müharibə başlayandan bəri Rusiya işğalçı qüvvələri Ukrayna şəhərlərinin 30 merini oğurlayıb.
AzVision.az xəbər verir ki, bu barədə Kiyev meri Vitali Kliçko “Spiegel”ə müsahibəsində deyib. Kliçko onlardan 7-si barədə hələ də xəbər alınmadığını qeyd edib.
“Merlər hər yerdə hədəf idi. Rusiyalılar merləri həbs etməyə və onları əməkdaşlığa məcbur etmək üçün müxtəlif üsullardan istifadə etməyə çalışıblar”.
Kliçkonun sözlərinə görə, hökumət yerli məmurlara potensial işğal halında şəhərlərini tərk edib-etməmələri barədə dəqiq cavab verməyib. O əlavə edib ki, ukraynalılar özləri belə bir qərar qəbul etməli olublar.
