Cennifer Lopez və Ben Afflek gizli evləndi
Cennifer Lopez və Ben Afflek gizli şəkildə evləniblər.
Oxu.Az-ın məlumatına görə, bu barədə xarici media mövcud məhkəmə sənədlərinə istinadən xəbər yayıb.
Məlumata görə, cütlük Nevada ştatının Klark dairəsindəki məhkəmədən nikah şəhadətnaməsi alıb. Burada həyat yoldaşlarının rəsmi adları var – Benjamin Qeza Afflek və Cennifer Linn Lopez.
Evlilik faktını cütlüyə yaxın mənbə də təsdiqləyib.
Bundan əvvəl Cennifer Lopezin barmağında nişan üzüyü görünüb – müğənni 14 yaşlı qızı Emma ilə mebel mağazasında alış-veriş edərkən paparassilər onun şəklini çəkə biliblər.
