Vətəndaşların NƏZƏRİNƏ! ƏDV-ləri geri alarkən diqqətli olun
![](https://media1.az/wp-content/uploads/2023/11/ədv1.jpg)
Sosial şəbəkələrdə “ƏDV GERİ AL” prosesi saxtalaşdırılıb. Bununla bağlı məlumatlar müxtəlif müzakirə qruplarında paylaşılıb. Belə ki, vətəndaşları aldatmaq üçün saxta “www.edv-geri.com” saytı yaradılıb.
Media1.az xəbər verir ki, məsələ ilə bağlı Elektron Təhlükəsizlik Xidmətindən (ETX) Oxu.Az-a faktı təsdiq ediblər.
ETX-dən bildirilib ki, kiberdələduzlar tərəfindən “www.edv-geri.com” adı altında saxta veb-sayt yaradılıb:
“Veb-sayt vasitəsilə vətəndaşlardan ilk növbədə FİN-kodlarını, daha sonra isə yığılan ƏDV-lərin bank kartına köçürülməsi üçün kart məlumatlarını daxil etmək tələb olunur. Elektron Təhlükəsizlik Xidməti vətəndaşlara belə saxta veb-saytlara etimad göstərməməyi, şübhəli keçidlər vasitəsilə bank kartı və digər fərdi məlumatlarını qarşı tərəfə təqdim etməməyi tövsiyə edir”.
![](https://cdn.musavat.com/news/images/hemid/rus%20yazar%20m%C3%BCsahib%C9%99/1700205969_24.jpg)
![](https://cdn.musavat.com/news/images/hemid/rus%20yazar%20m%C3%BCsahib%C9%99/1700205948_23.jpg)
![](https://cdn.musavat.com/news/images/hemid/rus%20yazar%20m%C3%BCsahib%C9%99/1700205960_2.jpg)