Səməd Vəkilov Çalxanqala kəndində Qərbi Azərbaycanlılarla görüşüb

Müvəkkil Hüquq Mərkəzi İctimai Birliyi, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Çalxanqala: qaçqınların qayıdış həsrəti” layihəsini uğurla davam etdirir.

QHT.az xəbər verir ki, Müvəkkil Hüquq Mərkəzi İctimai Birliyinin sədri araşdırmaçı-hüquqşünas Səməd Vəkilov layihə çərçivəsində Qərbi Azərbaycanın müxtəlif bölgələrindən Kəngərli rayonun Çalxanqala kəndinə köçmüş əhali ilə bağlı araşdırma aparmaq üçün Çalxanqala kəndində əhali ilə görüş keçirmişdir. Görüş barədə məlumat verən S.Vəkilov bildirib ki, görüşün məqsədi Qərbi Azərbaycandan öz doğma yurd-yuvalarında min bir məşəqqətlə köçmüş əhalinin şəxsi hekayələrini toplamaqdır.

Qeyd edək ki, Çalxanqala kəndi Kəngərli rayonu eyniadlı inzibati ərazi vahidində yerləşir. Kənd Cəhri çayının sağ sahilində, Dərələyəz silsiləsinin ətəyindədir. XIX əsrdə gəlmə ermənilər orada yerləşdirildikdən sonra 1990-cı ilədək Əznəbirt (türkcə “yüksək qala”) adlandırılmışdı. 1990-cı ildən kənd yaxınlığındakı tunc dövrünə aid iri qaya daşlarından tikilmiş Çalxanqala adlı qalanın adı ilə adlandırılmışdır.

S.Vəkilovun sözlərinə görə aparılmış araşdırma zamanı məlum olmuşdur ki, doxsanıncı illərin əvvələrindən Çalxanqala kəndinə Qərbi Azərbaycanın müxtəlif bölgələrindən köçən əhalinin say tərkibi aşağıdakı kimidir.

Dərələyəz mahalı

Gomur 98 ailə 346 nəfər

Gabud 48 ailə 154 nəfər

Axta 3 ailə 19 nəfər

Zeytə 57 ailə 250 məfər

Gülüstan 66 ailə 240 nəfər

Kotanlı 3 ailə 11 nəfər

_Amağu 72 ailə 267 nəfər

Gədikvəngi 48 ailə 171 nəfər

Ələyəz 10 ailə 37 nəfər

Qovşuq 3 ailə 10 nəfər

Ağkənd 21 ailə 87 nəfər

Hors 2 ailə 7 nəfər

Qaraqaya 8 ailə 29 nəfər

Qabaxlı 5 ailə 16 nəfər

Çivə 9 ailə 29 nəfər

VEDİBASAR

Şidli 19 ailə 62 nəfər

Armaş 18 ailə 81 nəfər

Dəvəli 35 ailə 145 nəfər

QARKİLSƏ

Murxuz 3 ailə 8 nəfər

KƏVƏR 2 ailə 4 nəfər

S.Vəkilov sözlərinə görə artıq Çalxanqala kəndində formlaşmış infrastruktur mövcuddur. Kəndə icra nümayəndəliyi, tam orta məktəb, rabitə evi, kənd mərkəzi, xəstəxana , mədəniyyət kulubu, sahibkarlıq subyektləri eyni zamanda 1 sentyabr 1993-cü tarixindən musiqi məktəbi fəaliyyət göstərir. Musiqi məktəbinin nəzdində “Dərələyəz xalq çalğı alətləri ansanbılı”, “Göyçə saz çalanlar ansanbılı” “Yallı qrupu” “Nağara çalanlar ansanbılı” mövcuddur. Musiqi məktəbinə 2022-ci ildən Yusifova Zeynəb Vəzir qızı rəhbərlik edir.

Qeyd edək ki, görüşdə layihə iştirakçıları və Qərbi Azərbaycan İcmasının Kəngərli üzrə nümayəndəsi Ələsgər Haqverdiyev və Keşkənd rayonu Çivə icmasının rəhbəri Möhübbət Səmədoğlu da iştirak ediblər.

Xatırladaq ki, layihə çərçivəsində Qərbi Azərbaycandan Çalxanqala kəndinə köçən əhali ilə bağlı kitab nəşr ediləcək.Odur ki, Çalxanqala sakinlərindən xahiş olunur ki, öz şəxsi hekayələrini və bioqrafiq məlumatlarını layihə rəhbəri S.Vəkilovun elektron poçtuna (svekilov@yahoo.com) göndərsinlər.

Fotolar