Naxçıvanın yeni rəhbəri sakinlərlə görüşdü: Nə dedi?
![](https://media1.az/wp-content/uploads/2022/12/7163872957536679.jpg)
Naxçıvan Muxtar Respublikasına yeni təyin olunan Azərbaycan Respublikası Prezidentinin səlahiyyətli nümayəndəsi Fuad Nəcəfli dünəndən etibarən siravi naxçıvanlılarla görüşlərə başlayıb.
Turkustan.az xəbər verir ki, Naxçıvanın yeni rəhbərinin əhali ilə ilk təmasları qeyri-rəsmi mühitdə baş tutub. Belə ki, Fuad Nəcəfli dünən axşam saatlarında Naxçıvanın mərkəzi küçələrində gəzintiyə çıxıb. O, siravi insanlarla görüşərək, onların qayğılarını dinləyib, arzu və istəkləri ilə tanış olub. Fuad Nəcəfli onunla xatirə şəkli çəkdirmək istəyən Naxçıvan sakinlərinin bu arzusunu həyata keçirib. Dünən axşam saatlarından başlayaraq, naxçıvanlı sosial şəbəkə iştirakçıları yeni rəhbərlə şəkillərini müxtəlif platformalarda paylaşıblar.
Naxçıvan sakinlərindən biri “Yeni Sabah”a deyib ki, Prezidentin səlahiyyətli nümayəndəsi qapısının onların üzünə həmişə açıq olduğunu deyərək, problemlərinin həlli üçün birbaşa onun özünə müraciət etməyi tövsiyyə edib.