MİLLİMİZİN OYUNUNU QADIN HAKİM İDARƏ EDƏCƏK
Futzal üzrə Avropa çempionatının seçmə qrup mərhələsi çərçivəsində keçiriləcək Azərbaycan – Slovakiya oyununun hakimləri müəyyənləşib.
Qarşılaşmanı Rusiyadan olan hakimlər idarə edəcək.
Matçın birinci hakimi İrina Velikanovadır. Digər xətdə isə Yuri Neverov iş başında olacaq. Üçüncü hakim funksiyasını həmyerlimiz Hikmət Qafarlı yerinə yetirəcək. Saniyəölçən isə Knyaz Əmiraslanov olacaq.
Qeyd edək ki, Azərbaycan – Slovakiya oyunu yanvarın 29-u saat 18:00-da Bakı İdman Sarayında keçiriləcək.
