Mədəniyyət işçiləri Vətən müharibəsi şəhidi Əsgərov Asəf İlqar oğlunun ildönümü mərasimində iştirak ediblər
Bərdə Regional Mədəniyyət İdarəsinin rəisi Vəsilə Möhsümova və regional idarənin əməkdaşları 12 oktyabr 2022-ci il tarixində Vətən müharibəsi şəhidi Əsgərov Asəf İlqar oğlunun ildönümü ilə əlaqədar şəhidin məzarını və ailəsini ziyarət edib, təşkil olunmuş anım mərasimində iştirak ediblər.
Anım mərasimində qəhrəman oğullarımızın keçdiyi şərəfli döyüş yolundan, Müzəffər Ali Baş Komandanın rəhbərliyi ilə Azərbaycan ordusunun qazandığı parlaq qələbədən, əsgər və zabitlərimizdə olan ruh yüksəkliyindən danışılıb.
Regional idarənin rəhbərliyi şəhid ailələrinin və qazilərin mədəniyyət işçiləri tərəfindən daim diqqət mərkəzində saxlanıldığını, mütəmadi olaraq regional idarənin tabeliyində olan mədəniyyət müəssisələrində vətənpərvər mövzularda silsilə tədbirlərin keçirildiyini vurğulayıb.
Sonra Bərdə şəhər 1 nömrəli Uşaq incəsənət məktəbinin şagirdlərinin hazırladığı kompozisiya nümayiş olunub.
