Haluk Bayraktarın Rusiya ilə bağlı bu açıqlaması DÜNYA GÜNDƏMİNDƏ – VİDEO
“Baykar Savunma” şirkətinin baş direktoru Haluk Bayraktar “CNN International”da proqrama qatılıb.
Sfera.az xəbər verir ki, H.Bayraktarın açıqlamaları dünya gündəminə səs salıb.
“Rusiyaya Bayraktar PUA-ları satacaqsınızmı?” sualına Haluk Bayraktarın cavabı qəti olub: “Rusiyaya “Bayraktar TB2″ satmamışıq, satmayacağıq da. Biz Ukraynanı dəstəkləyirik”.
Baş direktor Türkiyə-Ukrayna münasibətləri ilə bağlı da danışıb: “Türkiyə ilə Ukrayna arasında xüsusilə, aviasiya və müdafiə sahəsində strateji əlaqələr var. Türkiyə silahlı dron texnologiyası ilə Ukraynaya dəstək verir. Eyni zamanda, biz Ukraynadan PUA-lar üçün mühərriklər alırıq. Ukrayna ilə ikitərəfli qazanc münasibətləri inkişaf etdirmişik ki, bu da hər iki ölkəyə üstünlüklər verir. Rusiyaya heç bir şey göndərməmişik, Rusiyadan da tədarük etməmişik. Heç vaxt belə bir şey etmərik. Çünki biz Ukraynanın müstəqillik və suverenlik uğrunda müqavimətini dəstəkləyirik”.
Qeyd edək ki, “Bayraktar TB2” PUA-ları müharibədə Ukraynanın müqavimətinin simvolu halına gəlib. Hətta “Bayraktar”a mahnı da həsr olunub.
