“Beşiktaş”ın baş məşqçisi istefa verir
Türkiyə “Beşiktaş”ının baş məşqçisi Sergen Yalçın vəzifəsindən ayrılır.
“Report” “NTV Spor”a istinadən xəbər verir ki, 49 yaşlı mütəxəssis klub prezidenti Ahmet Nur Çebi ilə bugünkü görüşdə istefa ərizəsini təqdim edəcək.
İstanbul təmsilçisinin rəhbərliyi baş məşqçinin istefasını qəbul edərsə, onunla yollar ayrılacaq.
Qeyd edək ki, cari mövsümün sonunadək “Beşiktaş”la müqaviləsi olan Sergen Yalçın uğursuz nəticələrə görə postunu tərk etmək istəyir.
