Bərdənin Mustafaağalı kənd məktəbində şəhid Qarabağ ordenli Asəf Əsgərova həsr olunmuş filmin nümayişi olub FOTOLAR
Bərdə rayon Mustafaağalı kənd tam orta məktəbində Qarabağ ordenli şəhid Asəf Əsgərova həsr olunmuş ” Mənim atam qəhrəmandır” filminin nümayişi keçirilib.
Tədbirdə şəhid ailələrinin təmsilçiləri, məktəblilər, Bərdə rayon İcra Hakimiyyətinin yerli nümayəndəsi, kənd sakinləri iştirak ediblər.
Filmin təqdimatından öncə Azərbaycan Respublikasının Dövlət himni səsləndirilib. Şəhidlərin əziz xatirəsi bir dəqiqəlik sükutla yad edilib.
Məktəb direktoru Aliyə Məmmədova tədbiri açaraq bildirib ki, Mustafaağalı kənd məktəbinin 7 şəhid məzunu var. Onlardan biri olan Şəhid Asəf Əsgərov 44 günlük Vətən müharibəsində həyatını qurban verib. Nümayiş edilən film də şəhid Asəf Əsgərovun həyatından bəhs edir.
Filmin nümayişindən sonra şəhidin atası İlqar Əsgərov, Filmin layihə rəhbəri Günel Abbasova, Bərdə rayon İcra Hakimiyyətinin Mustafaağalı kənd inzibati dairəsi üzrə nümayəndəsi Qəhrəman Zeynalov, məktəbin təqaüdçü tarix müəlliməsi Suma Məmmədova, şəhid qardaşı Musa Muradlı çıxış edərək , düşüncələrini bölüşmüşlər.
Sonda məktəblilərin ifasında şerlər səsləndirilmiş, xatirə şəkilləri çəkilmişdir.
