Ağdamlı fermerlər üçün seminar təşkil edilib.
![](https://media1.az/wp-content/uploads/2023/09/ekoloji-informasiya.jpg)
LIVEPRESS.MEDIA xəbər verir ki, “Ekoloji Informasiya ” İctimai Birliyinin cari ilin iyul ayının birindən etibarən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən “Ekoloji təmiz kənd təsərrüfatı məhsulları istehsalının fermerlər arasında təbliği” layihəsi çərçivəsində növbəti görüşü ağdamlı fermerlərin iştirakıyla baş tutub”
![](https://livepress.media/wp-content/uploads/2023/09/32-300x200.jpg)
Ağdam rayon 2 saylı Peşə Məktəbində Ağdam RİH-in təşkilatçılığı ilə keçirilən görüşdə Ağdam rayon Dövlət Aqrar İnkişaf Mərkəzinin və Ekologiya və Təbii ehtiyatlar Nazirliyinin 9 saylı regional Ekologiya və Təbii ehtiyyatlar idarəsinin məsul vəzifəli şəxsləri, habelə Ağdam rayonunun 30-a yaxın fermeri iştirak edib.
![](https://livepress.media/wp-content/uploads/2023/09/000-300x200.jpg)
Tədbirdə əvvəlcə Azərbaycan Respublikasının ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edilib.
![](https://livepress.media/wp-content/uploads/2023/09/36-300x200.jpg)
Tədbirdə “Ekoloji İnformasiya ” İctimai Birliyinin sədri Musa Muradlı mövzu ilə əlaqəli çıxış edib.
Çıxışında təşkilat sədri ekoloji təmiz kənd təsərrüfatı məhsullarının istehsalının artırılmasından , istehlakçıların keyfiyyətli qida ilə təmin olunmasının vacibliyini qeyd edib. Bunun üçün qanunvericilik bazasının yaradılmasını, hüquqi məsələlərin həllini vurğulayıb.
2 saylı Ağdam rayon Peşə Məktəbinin direktoru Xanım Əliyeva bildirib ki, dünyada ildən ilə ekoloji məsələlərin aktuallığı artır. O cümlədən ekoloji məhsulların yetişdirilməsinin əhəmiyyəti artır. Ona görədə həyata keçirilən layihə yüksək qiymətləndirilməlidir.
![](https://livepress.media/wp-content/uploads/2023/09/38-300x200.jpg)
Layihə üzrə ekspert, aqrar elmlər üzrə fəlsəfə doktoru, ekoloq Xosrov Musayev ekoloji təmiz kənd təsərrüfatı barədə fermerlərə ətraflı məlumat verib. Fermerləri maraqlandıran sualları cavablandırıb.
![](https://livepress.media/wp-content/uploads/2023/09/39-300x200.jpg)
9 saylı Regional Ekologiya və Təbii Sərvətlər İdarəsinin əməkdaşı Bakir Orucov layihə barədə fikir və mülahizələrini bölüşüb. Ekspert Xosrov Musayevin geniş və əhatəli çıxışını yüksək dəyərləndirib.
![](https://livepress.media/wp-content/uploads/2023/09/40-300x200.jpg)
Sonda fermerlərə seminar iştirakçısı olmaq barədə sertifikatlar təqdim olunub. Çay süfrəsi ilə fermerlərlə keçirilən seminar başa çatıb.
![](https://livepress.media/wp-content/uploads/2023/09/42-300x200.jpg)
Qeyd edək ki, “Ekoloji İnformasiya ” İctimai Birliyinin “Ekoloji təmiz kənd təsərrüfatı məhsulları istehsalının fermerlər arasında təbliği ” layihəsi çərçivəsində növbəti görüşü tərtərli fermerlərlə olacaqdır.
![](https://livepress.media/wp-content/uploads/2023/09/41-1-300x200.jpg)