Azay Quliyev Kopenhagendə ATƏT PA-nın seminarına qatılacaq
Milli Məclisin deputatı, parlamentin ATƏT PA-da nümayəndə heyətinin rəhbəri və qurumun İqtisadi məsələlər, ətraf mühit, elm və texnologiya baş komitəsinin sədri Azay Quliyev yanvarın 25-də Danimarka Krallığının Kopenhagen şəhərinə səfər edəcək.
Musavat.com Milli Məclisin Mətbuat və ictimaiyyətlə əlaqələr şöbəsinə istinadən xəbər verir ki, deputatımız ATƏT PA-nın Büro üzvlərinin yanvarın 26-da keçiriləcək işçi seminarına qatılacaq. Tədbirdə ATƏT PA-nın müasir çağırışlara daha təsirli cavab verməsi, qəbul olunan sənədlərin siyasi təsirinin artırılması, daxili institutların fəaliyyətinin səmərəli təşkili və bütövlükdə qurumda yeni islahatların aparılması, onun fəaliyyətinin təkmilləşdirilməsi və digər məsələlər müzakirə ediləcək, habelə Assambleyanın Daimi Komitəsində baxılmaq üçün “İslahatlar üzrə Siyasət Sənədi”nin layihəsi təsdiq olunacaq.
Səfər yanvarın 27-də başa çatacaq.
