Fevralın 26-da “Xətai” metro stansiyası necə işləyəcək? – AÇIQLAMA
![](https://media1.az/wp-content/uploads/2023/02/U7z8OiBcQzPHzWmKVDC026sFM9bt7qdwP1c6QXZH.jpg)
Fevralın 26-da “Xətai” metro stansiyası adi iş rejimində fəaliyyət göstərəcək.
Bunu “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib.
O bildirib ki, ehtiyat qatarların da xəttə buraxılması nəzərdə saxlanılacaq.
Qeyd edək ki, fevralın 26-da Azərbaycanda Xocalı soyqırımının 31-ci ildönümü qeyd olunacaq.
Bu münasibətlə vətəndaşlar Bakının Xətai rayonunda yerləşən və Xocalı faciəsinə həsr olunan “Ana harayı” abidəsini ziyarət edəcək.