Yeni Azərbaycan Partiyasının nümayəndələri Bərdədə “Azərbaycan Bayrağı” ordenli şəhid Xudayar Yusifzadənin ailəsində olmuşlar

23 oktyabr 2022-ci il tarixdə “Azərbaycan Bayrağı” ordenli şəhid Xudayar Yusifzadənin şəhadətə yüksəlməsinin iki il tamam oldu. Yeni Azərbaycan Partiyası İdarə Heyətinin üzvü, Milli Məslisdə Komitə sədri Tahir Mirkişili, YAP İdarə Heyətinin üzvü Asif Əsgərli, Millət vəkili Fatma Yıldırım, YAP Mərkəzi Aparatının məsul əməkdaşı, Qarabağ, Şərqi Zəngəzur zonası üzrə kurator Elmar Məmmədov, YAP Bərdə rayon təşkilatının sədri Fəqət Şadlinskaya və YAP fəallarından bir qrupu Bərdə Şəhidlər xiyabanında uyuyan şəhidlərin məzarlarını ziyarət edərək onların əziz xatirəsinə ehtiramlarını bildirmiş, şəhid Xudayar Yusifzadənin də məzarna baş çəkmişlər.

Daha sonra YAP nümayəndələri Xudayar Yusifzadənin ev muzeyinə baş çəkmiş, ailəsi ilə görüşmüşlər. Görüş zamanı şəhid Xudayar Yusifzadənin döyüş yolu, igidliyi xatırlanmış, indi “Xudayar təsnifi” adlandırılan mahnısının təkcə cəbhə yoldaşlarının deyil, bütün xalqımıızın Vətən sevgisini birə beş artırdığından danışılmışlar. Görüş zamanı Tahir Mirkişili və digər qonaqlar müqəddəs şəhidlərimizin hər birinin xalqımızın tarixində və qəlbində əbədi yer tutduğunu, müzəffər Ali Baş Komandan cənab İlham Əliyevin rəhbərliyi altında rəşadətli Ordumuzun torpaqlarımızın işğaldan azad edərək qazandığı böyük Qələbədən, Zəfərdən danışmışdır. Şəhid Xudayarın anası Radə Qurbanova və nənəsi Tovuz nənə dövlət başçısı cənab İlham Əliyevin və ölkənin Birinci vitse-Prezidenti Mehriban xanım Əliyevanın şəhid ailələrinə göstərdiukləri diqqət və qayğdan danışmış, məmnunluqlarını ifadə etmişlər.

Media1