Yunus Oğuz prezidentliyə namizədliyini irəli sürdü
“Olaylar” qəzetinin baş redaktoru Yunus Oğuz prezidentliyə namizədliyini irəli sürüb.
Media1.az xəbər verir ki, bunu o, “Report”a açıqlamasında deyib.
Y.Oğuz öz təşəbbüsü ilə namizəd olduğunu bildirib.
Qeyd edək ki, Y.Oğuz 1960-cı ildə anadan olub. O, 2023-cü ildə fəaliyyətini dayandıran Milli Vəhdət Partiyası sədri olub.
Xatırladaq ki, Azərbaycanda prezident seçkiləri 2024-cü il fevralın 7-də keçiriləcək. İndiyədək 9 nəfər namizədliyini irəli sürüb.
