Türkiyə ordusunun 9 əsgəri şəhid oldu: F-16-lar havaya qaldırıldı

Musavat.com xəbər verir ki, İraqın şimalında Türk Silahlı Qüvvələrinin əsgərlərinin şəhid olmasından sonra başladılan hava əməliyyatı nəticəsində terrorçulara məxsus 29 hədəf yox edilib.

İraq və Suriyanın şimalında həyata keçirilən hava əməliyyatlarında Separatçı Terror Təşkilatının (BTÖ-Bölücü Terror Örgütü) istifadə etdiyi 29 hədəf məhv edilib, çox sayda terrorçu zərərsizləşdirillib. Bu barədə Türkiyə Müdafiə Nazirliyi açıqlama yayıb.

Açıqlamada deyilir: “PKK/YPG/KCK və digər terror ünsürlərini zərərsizləşdirərək İraq və Suriyanın şimalından xalqımıza və təhlükəsizlik qüvvələrimizə qarşı terror hücumlarını aradan qaldırmaq və sərhəd təhlükəsizliyimizi təmin etmək məqsədilə Birləşmiş Millətlər Təşkilatı Nizamnaməsinin 51-ci maddəsindən irəli gələn özünümüdafiə hüquqlarımıza uyğun olaraq, yanvar ayı saat 00.30-da İraqın şimalında və Suriyanın şimalında Metina, Hakurk, Qara və Qəndil bölgələrində terrorçu hədəflərə qarşı Hava əməliyyatları həyata keçirilib. Təşkilat (BTÖ) tərəfindən istifadə edilən mağaralar, bunkerlər, sığınacaqlar və neft obyektlərindən ibarət olan və terrorçulara məxsus hesab edilən 29 hədəf məhv edilib”.

“Bu əməliyyatlarda çox sayda terrorçu yerli və milli sursatdan maksimum istifadə edilərək zərərsizləşdirilib. Soylu millətimizin qəlbindən çıxan Türk Silahlı Qüvvələri keçmişdə olduğu kimi ölkəmizin və millətimizin yaşaması və təhlükəsizliyi üçün son terrorçu zərərsizləşdirilənə qədər terrora qarşı mübarizəni qətiyyət və əzmlə davam etdirəcək. Bu əməliyyatlar zamanı “Günahsız insanlara, dost bildiklərimizə, tarixi-mədəni sərvətlərə və ətraf mühitə zərər vurmamaq üçün bütün tədbirlər görülüb”, – açıqlamada həmçinin qeyd olunub.

***

İraqın şimalında Türk Silahlı Qüvvələrinin 9 əsgəri şəhid olub, 16 əsgər yaralanıb.

Musavat.com xəbər verir ki, bu barədə Türkiyə Müdafiə Nazirliyi məlumat yayıb.

Məlumatda qeyd olunur ki, Türkiyə Silahlı Qüvvələri tərəfindən İraqın şimalında PKK/KCK terror təşkilatının fəaliyyətlərinin aşkar edilərək qarşısının alınması məqsədilə həyata keçirilən “Pəncə-Kilid” əməliyyatı çərçivəsində 12.01.2024-cü il tarixində saat 17.15 radələrində 23-cü diviziyanın komandanlığında Kırklareli 41-ci Komando Briqada Komandanlığının şəxsi heyətinin olduğu 1740 Hündürlük Təpə Baza Bölgəsinə PKK terror təşkilatı üzvləri tərəfindən sızma-hücum cəhdi edilib.

İlkin məlumata görə, sözügedən hücum nəticəsində 9 qəhrəman əsgər şəhid olub, 16 əsgər yaralanıb.

Bölgədə qarşıdurmalar davam edir və F-16-lar havaya qaldırılıb.

***

İraqın şimalında Türk Silahlı Qüvvələrinin hərbçiləri şəhid olub.

Musavat.com xəbər verir ki, bu barədə Türkiyə Müdafiə Nazirliyi məlumat yayıb. Məlumatda qeyd edilir ki, “Pəncə-Kilid” əməliyyatı bölgəsində hərbi bazaya sızmağa çalışan terrorçularla qarşıdurma baş verib, nəticədə 5 terk əsgəri şəhid olub, 8 türk əsgəri isə yaralanıb. Yaralanan əsgərlərdən 3-nün vəziyyəti ağırdır. 12 terrorçu zərərsizləşdirilib.

Musavat.com