“Sputnik-V” ilə “Pfizer”in nə fərqi var? – Həkim müqayisə edib
![](https://media1.az/wp-content/uploads/2020/12/ab490d916d27639683d05c99d7188fac.jpg)
Həkim və teleaparıcı Aleksandr Myasnikov Rusiyanın “Sputnik-V” və Amerikanın “Pfizer” şirkətinin koronavirus əleyhinə peyvəndlərini müqayisə edib.
Musavat.com Sputnik Azərbaycan-a istinadən bildirir ki, o, Rusiyanın preparatını “yoxlanılmamış” adlandıran həmkarlarını tənqid edib.
“Mən onların (ABŞ-ın – red.) peyvəndinin “pis olması” barədə müzakirələrə qoşulmaq istəmirəm. Onlar kimi olmaq lazım deyil. Ancaq onlara güzgüyə baxmalarını məsləhət görmək lazımdır”, – Myasnikov Telegram kanalında yazıb.
Həkim qeyd edib ki, Pfizer çıx qısa müddətdə, tamamilə yeni bazada yaradılıb. “Sputnik-V” isə 2002-ci ilin bazası əsasında yaradılıb və bunun sələfləri insanlar üzərində kliniki sınaqlardan keçirilib.
Myasnikov ABŞ-ı “vaksin müharibəsi”ni dayandırmağa, diqqəti daha çox insanın canını almağa başlamış virusla mübarizəyə yönəltməyə çağırıb.